المنارة: القاهرة
كشفت الفنانة شريهان عن تفاصيل إطلالتها في حفل افتتاح المتحف المصري الكبير، مؤكدة أنها اختارت مصمم الأزياء العالمي إيلي صعب ليكون جزءًا من هذا الحدث التاريخي.
وقالت شريهان خلال تصريحات تليفزيونية: “أول ما تشرفت باختياري لهذه المناسبة العظيمة، فكرت مين اللي ممكن اسمه يتحط جنب الحضارة المصرية، وما لقيتش غير الغالي حبيبي وصديقي العالمي إيلي صعب”.
وأضافت: “رحت له وقلت له أنا محتاجاك نحفر مع بعض خط على حجر، لو اتحط جنب الحضارة المصرية يليق بها. كان الوقت ضيق جدًا، لكن القماشة اتطرزت فورًا في إيطاليا بالشغل الفرعوني، وكل حلمي أن يكون الحجر المصري نفسه هو اللامع. أنا فخورة وسعيدة جدًا بارتدائها من تصميم إيلي صعب”.
وعن شعورها بعد المشاركة في الحفل، قالت شريهان: “الشرف كله لي، ما فيش أعظم من النهارده، ده تتويج لعمري ومسيرتي. كنت مع أبطال مصريين عظام مثل محمد سعدي، وهشام نزيه، ومازن المتجول، والمايسترو هاني أباظة. مش عارفة ألمّلم مشاعري، دلوقتي عاوزة أصلي بقية عمري شكرًا وامتنانًا لله على هذا الشرف، على أرض بلدي”
